গুৱাহাটীত তিনিদিনীয়াকৈ অনুষ্ঠিত হ’ব লুমচ ৱিভ এণ্ড ম’ৰ প্ৰদৰ্শনী

গুৱাহাটী: ২০১৪ চনৰ পৰা কলিকতাত এষ্টেটিকৰ প্ৰচেষ্টাত অনুষ্ঠিত হৈ অহা ‘লুমছ ৱিভছ এণ্ড ম’ৰ’ প্ৰদৰ্শনী প্ৰথমবাৰৰ বাবে গুৱাহাটীত অনুষ্ঠিত হ’ব। ভাৰতীয় বয়ন আৰু কাৰুশিল্পৰ এই তিনিদিনীয়া প্ৰদৰ্শনীখন ৮, ৯ আৰু ১০ ছেপ্টেম্বৰত সত্যনাথ বৰা হলত অনুষ্ঠিত হ’ব বুলি আয়োজকসকলে উল্লেখ কৰে । প্ৰদৰ্শনীখনত ভাৰতৰ বিভিন্ন অঞ্চলৰ অংশগ্ৰহণকাৰীসকলক বিভিন্ন স্থানীয় বিশেষত্বৰ লগত প্ৰদৰ্শনীত অংশগ্রহণ কৰাৰ সুযোগ দিয়া হ’ব আৰু এই প্ৰদৰ্শনীখন আগন্তুক উৎসৱ, দুৰ্গা পূজা আৰু দেৱালীৰ প্ৰস্তুতিৰ এক সুকীয়া স্মাৰক হ’ব বুলি আয়োজকে জানিবলৈ দিয়ে।
সেই উপলক্ষে মঙলবাৰে গুৱাহাটী প্ৰেছ ক্লাৱত অনুষ্ঠিত সংবাদমেলত আয়োজক সঞ্চিতা ঘোষ আৰু মৈত্ৰেয়ী পাঠকে এই অনুষ্ঠানটোৰ ধাৰণাৰ বিষয়ে কিছু আভাস দিয়ে। তেওঁলোকে ইয়াৰ উদ্দেশ্য বাখ্যা কৰি কয় যে, “সমগ্ৰ ভাৰতৰ শিপিনী, শিল্পী আৰু ঘৰুৱা ডিজাইনাৰসকলক এক নেটৱৰ্কিং আৰু বিপণন মঞ্চ প্ৰদান কৰাৰ বাবে প্ৰথমবাৰৰ বাবে গুৱাহাটীত এই প্ৰদৰ্শনী অনুষ্ঠিত হ’বলৈ গৈ আছে। প্ৰদৰ্শনীখনত পুৰস্কাৰ প্ৰাপ্ত শিল্পী আৰু ডিজাইনাৰসকলক লৈ অনুষ্ঠিত হ’ব, যিয়ে ভাৰতৰ সৰ্বশ্ৰেষ্ঠ কাপোৰ, বস্ত্ৰ, কলা আৰু কাৰুশিল্প প্ৰদৰ্শন কৰিবলৈ শিপিনীসকলৰ সৈতে ঘনিষ্ঠভাৱে কাম কৰে, পিন্ধিবলৈ সাজু কৰি তোলে, শিল্পকলা, ঘৰুৱা লিনেন, হস্তনিৰ্মিত অলংকাৰ, অন্যান্য সামগ্ৰী, হাতেৰে বোৱা কাৰ্পেট আদি তৈয়াৰ কৰে।