Website Design: dastechnologies
শ্বাহৰুক খান অভিনীত পাঠান বোলছবি পাঠানৰ বিষয়ে চৌদিশে বিতৰ্ক হৈ থকাৰ মাজতে ৰঙিয়াৰ কেন্দুকোনাৰ নিবাসী ফাৰুক খানে ৰঙিয়াৰ ডিলাইট গোল্ড চিনেমা হলৰ ১৯২ টা টিকট ক্ৰয় কৰিছে । অনুৰাগী গৰাকী হৈছে ৰঙিয়াৰ কেন্দুকোনা নিবাসী ফাৰুক খান । টিকট সমুহ ক্ৰয় কৰি শ্বাহৰুক খানৰ অনুৰাগী গৰাকীয়ে উৎফুল্লিত হৈ কয় যে বহুদিনৰ মূৰত শ্বাহৰুক খানক পুনৰ ৰূপালী পৰ্দাত দেখিবৈ পোৱা যাব । কোনোবাই প্ৰতিবাদ কৰিলে বা বয়কট কৰিলেও তেওঁলোকে শ্বাহৰুক খানক চাব যাবই । তেখেতে নিজৰ লগতে পৰিয়াল বৰ্গ আৰু বন্ধু-বান্ধৱৰ সৈতে চিনেমা খন উপভোগ কৰিব বুলি প্ৰকাশ কৰিছে । অনুৰাগীয়ে গৰাকীয়ে আগতীয়াকৈ ক্ৰয় কৰা টিকট খিনি হৈছে হলটোৰ সৰ্বমুঠ টিকটৰ ৮০% । চিনেমা খনৰ মুক্তিৰ প্ৰথম দিনাখনৰ প্ৰথম প্ৰদৰ্শনীৰ টিকট সমুহ ক্ৰয় কৰি যথেষ্ট উৎফুল্লিত হৈ পৰিছে অনুৰাগী গৰাকী ।
উল্লেখযোগ্য যে প্ৰায় চাৰি বছৰৰ মুৰত বলিউডৰ বাদশ্বাহ শ্বাহৰুক খানে পুনৰ ৰূপালী পৰ্দাত ভুমুকি মাৰিবলৈ উলাইছে । ইতিমধ্যে বোলছবি খনৰ এটা গীতে সমগ্ৰ দেশতে বিতৰ্কৰ সৃষ্টি কৰিছে । কেতবোৰ হিন্দুত্ববাদী সংগঠনে ইতিমধ্যে চিনেমাখন বৰ্জন কৰিবলৈ সিদ্ধান্ত গ্ৰহণ কৰাৰ বিপৰীতে গুৱাহাটীত কোনো দুৰ্বৃত্তই চিনেমা খনৰ পোষ্টাৰ ফালি পেলাইছিল । ইয়াৰ মাজতে শ্বাহৰুক খানৰ অনুৰাগী এগৰাকীয়ে এনেদৰে আগতীয়াকৈ টিকট ক্ৰয় কৰা ঘটনাই তাৎপৰ্য গ্ৰহণ কৰিছে ।
